Տվյալներ և տեղեկություններ, որոնք կօգնեն ձեզ ստեղծել ֆեյսբուքով մարքեթինգի ճիշտ ռազմավարություն
Շարունակում ենք Ֆեյսբուքի մարքեթինգի մասին թեման՝ ինչն է հորինված, ինչն է ճշմարիտ և ինչ անել: Նախորդ հոդվածում խոսեցինք օրգանական գրառումների վերաբերյալ ստեղծված առասպելների մասին: Այս մասում կանդրադառնանք վճարովի գովազդների մասին ստեղծված առասպելներին:
Վճարովի գովազդ
Ֆեսյբուքի գովազդներն օգնում են ձեզ մեծացնել ձեր լսարանը և ավելացնել ձեր անվճար գրառումների հասանելիությունը: Բայց արդյո՞ք գովազների գները նույնպես շարունակ չեն աճում: Եվ արդյոք հետաքրքրված հնարավոր հաճախորդներ հավաքագրելուն ուղղված գովազնդերը չեն սկսել գերակշռել: Ո՛չ այնքան: Երբ ստեղծում եք ֆեյսբուքյան գովազդներ, կարևոր է, որ փաստերը տարանջատեք առասպելներից:
Առասպել #10
Ֆեյսբուքյան գովազդները ամենահարմարն են ձագարի ստորին մասի մարքեթինգային տակտիկայի համար
Փաստ
Մարքեթինգի որոշ մասնագետներ գովազդին վերաբերում են, որպես ձագարի ստորին մասին հարմար տակտիկա, սակայն Ֆեյսբուքի գովազդներն իրականում կարող են լավ աշխատել ձագարի յուրաքանչյուր հատվածի համար:
Ինչ է սա նշանակում մարքեթինգի տեսանկյունից
Ձեր գովազդային արշավը ստեղծելիս մտքում միշտ ունեցեք մարքեթինգի ձագարը: Եվ թե այդ ձագարի տարբեր հատվածներում ինչ գովազդային արշավներ կպահանջվեն: Մինչ միջին և ստորին հատվածներին ուղղված արշավներով կարող եք վերա-թիրախավորել ձեր բրենդին արդեն ծանոթ օգտատերերին, ստիպելով նրանց հետ վերադառնալ և գնում կատարել, վերին հատվածի համար պետք է աշխատեք այն ուղղությամբ, որ ստեղծեք բովանդակություն, որը տեղեկացնում է ձեր բրենդի մասին, ինչպես ձեր անվճար գրառումներով եք անում: Ձագարի վերին հատվածի համար ստեղծեք մարդկանց հետաքրքրելուն ու նրանց խնդիրներին լուծում առաջարկելուն ուղղված արշավներ: Իսկ վաճառքներին ուղղված արշավները կառուցեք ձագարի ստորին հատվածների համար:
Առասպել #11
Ֆեյսբուքի էջի լայք ստանալուն (Page Like) և ներգրավվածություն (Engagement) ապահովելուն ուղղված գովազդների համար մրցակցությունը աննախադեպ բարձր է ներկայումս
Փաստ
Հետազոտությունները ցույց են տալիս, որ գովազդների շատ տեսակների գները, մասնավորապես, Post Engagement և Page Like տիպի գովազդների համար ոչ միային իջնում են, այլ նաև գովազդատուները ավելի փոքր բյուջե են նախատեսում այդ տիպի գովազդային արշավների համար:
Ինչ է սա նշանակում մարքեթինգի տեսանկյունից
Որքան ավելի շատ են գովազդատուները տեղադրում էջի լայք ստանալուն (Page Like) ուղղված գովազդներ, այնքան իջնում է դրանց մեկ ցուցադրման արժեքը (CPC): Սակայն, եթե CPC-ն՝ մեկ գովազդ ցուցադրելու արժեքն իջել է, դա բոլորովին էլ չի նշանակում, որ գովազդատուները պետք է ավելի շատ օգտագործեն դրանք: Ավելի լավ է վերա-թիրախավորեք այն օգտատերերին, ովքեր նախքինում արդեն արձագանքել էին ձեր նյութերին:
Ներգրավվածություն (Engagement) ապահովելուն ուղղված գովազդների նպատակն այն է, որ ստիպեք ձեր լսարանին տարածել ձեր նյութը կամ մեկնաբանություն գրել դրա մասին: Այս տիպի գովազդներն ավելի մեծ արժեք են ստանում և կարելի է դրանք ավելի շատ օգտագործել: Հետևեք, թե ձեր որ նյութն է ավելի շատ արձագանքներ ստանում և օգտագործեք ավելի մեծ լսարանի հասնելու համար: Բայց հենց այնպես գովազդ մի տեղադրեք ու հույս փայփայեք, թե արձագանքներ կստանաք: Գրեք գրավիչ վերնագրեր և այնպիսի տեքստեր, որոնք ձեր լսարանի կոնկրետ կարիքների համար լուծում են առաջարկում: Եվ եթե ձեզ մտահոգում է այն, թե ինչու ձեր ֆեյսբուքյան գովազդները չեն ավելացնում ձեր վաճառքները, ապա օգտագործեք այս գաղափարները դրանք բարելավելու համար:
Առասպել #12
Գովազդատուների մեծ մասը ֆեյսբուքյան գովազդներն օգտագործում են իրենց հետևորդների քանակն ավելացնելու ու իրենց գրառումներում նրանց ներգրավվածությունը մեծացնելու համար
Փաստ
Վիճակագրության համաձայն, ֆեյսբուքյան գովազդատուների կողմից ամենաշատ օգտագործվող գովազդները վեբկայքի կոնվերսիաներ (Website Conversion) առաջացնող գովազդներն են: Չնայած, տարբեր գովազդատուներ տարբեր նպատակներով են գովազդում Ֆեյսբուքում և օգտագործում են բոլոր եղած տարբերակները, նրանք ամենամեծ գումարները ծախսում են իրենց վեբկայքում կոնվերսիաներ ստանալու համար:
Ինչ է սա նշանակում մարքեթինգի տեսանկյունից
Չնայած, որ վեբկայքի կոնվերսիաներ (Website Conversion) տեսակի գովազդնեը իրենց կարևոր դերակատարումն ունեն ձեր գովազդային բյուջեում, մի մոռացեք, որ քանի որ նրանք ամենահայտնի տեսակն են, նրանք նաև շատ մեծ քանակ են կազմում օգտատերերի նորությունների ժապավենում: Մի կենտրոնացրեք ձեր ջանքերը միայն մեկ տեսակի վրա: Պահեք վեբկայքի կոնվերսիաներ տեսակը վերաթիրախավորման արշավների համար և օգտագործեք նաև այլ տեսակներ, որոնք կտեղեկացնեն ձեր բրենդի մասին նոր օգտատերերի:
Առասպել #13
Մեկ ցուցադրման արժեքը (CPC) բոլոր տեսակի գովազդների համար անտանելի թանկանում է այն պատճառով, որ գովազդատուների միջև շատ մեծ մրցակցություն է Ֆեյսբուքի բիզնես հարթակում
Փաստ
Բացի բջջային հավելված տեղադրելուն (Mobile App Installs) և ներգրավվածությունը խթանելուն (Post Engagement) ուղղված գովազդներից, մնացած գովազդների մեծ մասի համար մեկ ցուցադրման գները շարունակում են մնալ համեմատաբար կայուն վերջին տարիների ընթացքում:
Ինչ է սա նշանակում մարքեթինգի տեսանկյունից
Մեկ ցուցադրման գների (CPC) կայուն լինելը թող որ խթան հանդիսանա ձեզ համար, որ զգալի բյուջե հատկացնեք Ֆեյսբուքի գովազդներում: Նույնիսկ այն դեպքում, եթե գներն այնժ չեն բարձրանում, դա չի նշանակում, որ ապագայում չեն բարձրանա: Հիշեք, որ տարբեր գովազդների համար գները տարբեր են, այդ պատճառով, եթե ձեր բյուջեն մեծ չէ, փորձեք օգտագործել գովազդի այն տեսակները, որոնց գները համեմատաբար ցածր են և ըստ դրա կառուցեք ձեր արշավները:
Առասպել #14
Քանի որ դուք վճարում են ամեն անգամ, երբ գովազդին մեկնումեկը սեղմում է (clicks), ապա կարելի է հնարավորին չափ շատ ցուցադրել և հուսալ, որ ամեն ինչ լավ կլինի
Փաստ
Եթե վճարում եք միայն այն դեպքում, երբ որևէ մեկը սեղմում է գովազդին, բոլորովին էլ չի նշանակում, թե չպետք է շատ խորը մտածեք թիրախավորման մասին: Անհրաժեշտ է հոգ տանել այն մասին, որ ձեր գովազդը ցուցադրվի միայն այն լսարանին, որին հարկավոր է ձեր ապրանքը կամ ծառայությունը:
Ինչ է սա նշանակում մարքեթինգի տեսանկյունից
Մարքեթինգի մասնագետների մի մասը ձգտում է հասնել առավելագույն մեծ չափսի լսարանի, սակայն մեր խորհուրդն այն է, որ ձգտեք մեծացնել ձեր յուրաքանչյուր գովազդի բերած արդյունքը (Return on Investment), թիրախավորելով նրանց, ովքեր հետաքրքրված կլինեն ձեր առաջարկով և ովքեր ավելի մեծ հավանականությամբ գնում կկատարեն ձեզնից:
Առասպել #15
Վեբկայքի կոնվերսիաներ (Website Conversion) տեսակի գովազդները հնացած են, քանի որ կան հնարավոր հաճախորդի տվյալները ձեռք բերելու (Lead Generation) գովազդները
Փաստ
Որոշ տվյալների համաձայն գովազդատուների ընդամենը 1 տոկոսն է օգտագործում (Lead Generation) գովազդներ: Մինչդեռ վեբկայքի կոնվերսիաներ (Website Conversion) տեսակի գովազդների բյուջեն վերջին մի տարում ավելացել է 50 տոկոսով:
Ինչ է սա նշանակում մարքեթինգի տեսանկյունից
Չնայած, որ հնարավոր է դարձել ձեռք բերել հաճախորդի տվյալները առանց հարթակից հեռանալու, մինչ այժմ Lead Generation տեսակի գովազդները մարքեթինգի մասնագետների կողմից նվազագույն չափով են օգտագործվում: Ամեն դեպքում, կարելի է գոնե մեկ անգամ փորձել դրանք օգտագործել ձեր գովազդային արշավներում:
Առասպել #16
Քանի որ տեսանյութերը ավելի ու ավելի շատ սիրված նյութ են դառնում օգտատերերի կողմից, մարքեթինգի մասնագետներն իրենց բյուջեի մեծ մասն օգտագործում են տեսանյութերի ցուցադրման (Video Ads) գովազդների վրա
Փաստ
Չնայած, որ տեսանյութերի ցուցադրման գովազդների ընդհանուր բյուջեն աճել է 150 տոկոսով մեկ տարվա ընթացքում, դրանք միևնույն է մնում են բոլոր տեսակի գովազդների համար ծախսված ընդհանուր բյուջեի ընդամենը 12 տոկոսը:
Ինչ է սա նշանակում մարքեթինգի տեսանկյունից
Ֆեյսբուքը խրախուսում է մասնագետներին ու օգտատերերին տեղադրել տեսանյութեր: Սակայն, դա չի նշանակում, որ մարքեթինգի մասնագետներն իրենց բյուջեի մեծ մասը ծախսում են տեսանյութերի ցուցադրման համար: Ինչո՞ւ: Որովհետև տեսանյութ պատրաստելը շատ ավելի շատ ռեսուրսներ ու ջանքեր է պահանջում, քան այլ տեսակի բովանդակությունը: Ձեր բյուջեի մի որոշ մաս ծախսեք տեսանյութեր պատրաստելու և ցուցադրելու վրա, քանի որ դրանք ավելի արդյունավետ են նոր հաճախորդներին հետաքրքրելու գործում և քանի որ համեմատաբար ավելի քիչ են օգտագործվում գովազդատուների կողմից: Հետևաբար, մրցացկությունն ավելի ցածր է:
Առասպել #17
Գովազդատուները գերադասում են իրենց բյուջեի մեծ մասը ծախսել այնպիսի գովազդների վրա, որոնք հնարավոր հաճախորդին պահում են Ֆեյսբուքի հավելվածում:
Փաստ
Վերջին մեկ տարվա ընթացում վեբկայքի կոնվերսիաներ (Website Conversion) տեսակի գովազդները կազմել են բոլոր գովազդների 39 տոկոսը և դրանց վրա ծախսվել է բոլոր գովազդների ընդհանուր բյուջերի 39 տոկոսը: Սա ամենամեծ հատվածն է կազմում Ֆեյսբուքյան գովազդային բյուջեի: Վեբկայքի կոնվերսիաների գովազդդները օգտատերերին տեղափոխում են Ֆեյսբուքից դեպի գովազդատուի վեբկայք, որպեսզի այնտեղ կարողանան վաճառք իրականացնել (convert):
Ինչ է սա նշանակում մարքեթինգի տեսանկյունից
Ֆեյսբուքը ցանկանում է, որ օգտատերերը մնան իր հարթակում կամ բջջային հավելվածում, բայց մարքեթինգի մասնագետները ակնհայտորեն գերադասում են տանել դեպի իրենց կայքը՝ վեբկայքի կոնվերսիաներ (Website Conversion) տեսակի գովազդների միջոցով, քան օգտագործել տվյալներ հավաքագրելու (Lead Generation) գովազդներ գովազդներով, որոնք պահում են օգտատերերին Ֆեյսբուքում: Քանի որ դրանք համեմատաբար քիչ են օգտագործվում, կարելի է փորձարկել դրանք, հավաքագրելով տվյալներ, առանց օգտատերերին ստիպելու հեռանալ Ֆեյսբուքից:
