Տվյալներ և տեղեկություններ, որոնք կօգնեն ձեզ ստեղծել ֆեյսբուքով մարքեթինգի ճիշտ ռազմավարություն
![Ֆեյսբուքյան մարքեթինգ](https://mct.am/wp-content/uploads/2020/06/OSXKW90.jpg)
![shadow](https://mct.am/wp-content/themes/envision/includes/modules/module.shadow/shadows/shadow-3.png)
Ներկայացնում ենք հոդվածների շարք Ֆեյսբուքի մասին ստեղծված առասպելներից մի քանիսի մասին
Այսօր, աշխարհի ամենամեծ սոցցանցը կարող է առաջարկել այնպիսի բաներ, որոնց մասին մենք չէինք էլ կարող երազել 10 տարի առաջ. օրինակ, տեղադրել 360-աստիճան հորիզոնով տեսանյութեր, վաճառել ապրանքներ չաթբոթերի միջոցով կամ աշխարհի ցանկացած կետից կենդանի հեռարձակել տեսանյութեր:
Սոցցանցը որպես մարքեթինգի հարթակ օգտագործելը բիզնեսների համար ստեղծել է հսկայական հնարավորություններ: Օրական 1.73 միլիարդ մարդ մուտք են գործում Ֆեյսբուք և համարվում են ակտիվ օգտատեր (2020 մարտ ամսվա տվյալներով): Միջին հաշվով մեկ օգտատերը Ֆեյսբուքում ծախսում է 58 րոպե օրական:
Բայց գիտե՞ք արդյոք, որ չնայած այս անսահման բիզնես հնարավորություններին, որ Ֆեյսբուքն է ընձեռում բիզնեսներին, մարքեթինգի մասնագետների ընդամենը 45%-ն համարում, որ իրենց ջանքերը արդյունավետ են:
Եվ, որ Ֆեյսբուքում շատ բան է փոփոխվել իր ստեղծման օրից, թե՛ իր աշխատանքի սկզբունքներում, և թե՛ ինչպես են մարդիկ այն օգտագործում:
Այս բոլոր փոփոխությունները թելադրում են նաև, որ այն ինչ առաջ ճիշտ էր Ֆեսյբուքի համար, կարող է այլևս ճիշտ չլինել: Արդյո՞ք հարթակի մասին տեղեկությունները, որոնք դուք ստանում եք տարբեր աղբյուրներից միշտ են ճշգրիտ:
Դժբախտաբար, ո՛չ, Ֆեյսբուքով մարքեթինգի մասին առասպելները շատ են և հաճախ դրանք են թելադրում բիզնեսների ռազմավարությունը: Մի եղեք մեկը այն բիզնեսներից, ում ռազմավարությունը հիմնվում է առասպելների վրա:
Այս հոդվածումներում, հերթով քննարկեոլւ ենք Ֆեյսբուքի մասին ամենատարածված 24 առասպելները, որպեսզի ձեր մարքեթինգը հիմնված լինի փաստերի, այլ ոչ առասպելների վրա: Սրանք վերաբերում են թե՛ օրգանական (անվճար), և թե՛ վճարովի գովազդին: Եվ քանի որ տեսանյութերը ամենալավ դիտվող նյութն են, դրանց առանձին կանդրադառնանք, որպեսզի այստեղ էլ դուք զինված լինեք փաստերով այն մասին, թե ինչն է աշխատում, ինչը՝ ոչ:
Օրգանական գրառումներ
Սկսած ֆեյսբուքում բիզնես էջ ստեղծելուց մինչև ձեր սովորական օրգանական գրառումներ անելը օրգանական մարքեթինգի շատ եղանակներ կան: Բայց մի սկսեք ձեր մարքեթինգը առանց տեղեկացված ռազմավարություն ունենալու: Կարևոր է, որ դուք թիրախավորեք ճիշտ լսարան և ձեր ներկայությունը ֆեյսբուքում լինի վստահելի և հիմնված մարդկանց հետաքրքրությունների վրա:
Առասպել #1
Ֆեյսբուքում նկատելի ներկայացություն ունենալու համար ձեզ ընդամենը հարկավոր է ստեղծել բիզնես էջ և ճիշտ լրացնել դրա բոլոր դաշտերը
![](https://mct.am/wp-content/uploads/2020/06/Very-responsive-badge-2.jpg)
![shadow](https://mct.am/wp-content/themes/envision/includes/modules/module.shadow/shadows/shadow-3.png)
Փաստ
Ձեր բրենդի գրավիչ ու վաստահելի ներկայություն կառուցելը Ֆեյսբուքում լավ գրավական է այն բանի համար, որ ձեր բրենդը լավ ընկալվի ձեր լսարանի կողմից, բայց բավական չէ միայն հետևողականորեն գրառումներ անել կամ նոր տեղեկություններ տեղադրել:
Ֆեյսբուքը պարգևատրում է նաև այն բանի համար, որ դուք արագ և հաճախակի պատասխանում եք ձեր լսարանի հարցումներին և հատուկ նշան է վերագրում ձեր բրենդին՝ “Very responsive to messages”: Իսկ սա իր հերթին օգնում է դրական կարծիքներ ստանալուն:
Ինչ է սա նշանակում մարքեթինգի տեսանկյունից
Մի վերաբերվեք ձեր ֆեյսբուքյան էջին, որպես մեկանգամյա գործ, որը բավական կլինի երկարաժամկետ արդյուքներ բերելուն:
Փոխարենը վերաբերվեք դրան որպես հաճախորդի հետ մշտատկան շփման մեջ լինելու միջոց: Արագ պատասխանեք հարցումներին, ձեր տեղեկությունները միշտ թարմացրեք և ամենակարևորը, տեղադրեք ձեր լսարանի համար հետաքրքրական և որակյալ բովանդակություն:
Առասպել #2
Որքան շատ գրառում անեք, այնքան ձեր լսարանը ներգրավված կլինի
![](https://mct.am/wp-content/uploads/2020/06/impact-of-monthly-fb-posts-on-clicks.jpg)
![shadow](https://mct.am/wp-content/themes/envision/includes/modules/module.shadow/shadows/shadow-3.png)
Փաստ
Թվերն ասում են, որ իրականում, որքան ավելի շատ գրառում անեք, այնքան ավելի փոքր կլինի ներգրավվածության տոկոսը, հատկապես այն ընկերությունների դեպքում, որոնց հետևորդները քիչ են: Օրինակ, 10,000-ից ավելի պակաս հետևորդներ ունեցող ընկերությունները, որոնք գրառումներ են տեղադրում ամսական 60 անգամից ավելի, ստանում են 60%-ով ավելի պակաս գործողություններ էջում (օրինակ` հպում նկարին, հղումին կամ գրառումին ), քան այն ընկերությունները, որոնք գրառում են կատարում 5 կամ ավելի պակաս անգամներ ամսական:
Ինչ է սա նշանակում մարքեթինգի տեսանկյունից
Մի խեղտեք ձեր հետևորդներին ձեր գրառումներով, խիստ մոտեցեք այն բանին, թե ինչ եք հրատարակում: Լավ մտածված ռազմավարություն ունեցեք Ֆեյսբուքի համար: Ավելի շատ ժամանակ հատկացրեք յուրաքանչյուր գրառումը ստեղծելուն՝ չմտածված շատ քանակով գրառումներ անելու փոխարեն:
Առասպել #3
Ֆեյսբուքն ու օպտիմիզացումը՝ SEO-ն ոչ մի կապ չունեն միմյանց հետ
![SEO-part-2](https://mct.am/wp-content/uploads/2019/02/SEO-part-2.jpg)
![shadow](https://mct.am/wp-content/themes/envision/includes/modules/module.shadow/shadows/shadow-3.png)
Փաստ
Ավանդաբար, երբ մարքեթինգի մասնագետները խոսում են որոնման համակարգերի համար օպտիմիզացումից, նրանք սովորաբար մտածում են Գուգլի և այլ որոնման համակարգերի մասին: Բայց դա չի նշանակում, որ Ֆեյսբուքի օգտատերերը ակտիվ որոնում չեն իրականացնում Ֆեյսբուքում: Չէ՞ որ վերջին տարիներին Ֆեյսբուքն ավելացրել է իր որոնման հնարավորությունները, որպեսզի հեշտացնի որունում կատարելը նաև իր հարթակում: Իսկ դա նշանակում է, որ ճիշտ ինչպես ձեր կայքի դեպքում, ձեր ֆեյսբուքյան էջն էլ պետք է օպտիմիզացվի որոնման համար:
Ինչ է սա նշանակում մարքեթինգի տեսանկյունից
Դա նշանակում է, որ ձեր ֆեյսբուքյան էջը պետք է օպտիմիզացվի որոնման համար: Բրենդավորեք ձեր անունը, ներառեք կարևոր բանալի բառերը և ձեր էջի հղումը դարձրեք հեշտ մտապահվող (vanity URL):
Առասպել #4
Ձեր հետևորդները տեսնում եմ ձեր ամենավերջին գրառումները
Փաստ
Ֆեյսբուքն օգտագործում է բարդ ալգորիթմ, որպեսզի օգտատերերին հասցնի այն բովանդակությունը, որն ինքը ամենատեղինն է համարում տվյալ օգտատերերի համար: Այդ պատճառով էլ, նախքան ամենավերջին նյութը ցուցադրելը, նա ցուցադրում է այն նյութը, որն ինքը կարծում է, թե օգտատերերը կցանկանան տեսնել իրենց նորությունների ժապավենին առաջին հերթին: Ալգորիթմը նաև ավելի շուտ ցուցադրում է ընկերների տեղադրած նյութերը, քան էջերի բովանդակությունը և առաջնայնություն է տալիս այն նյութերին, որոնք ամենից շատ են կիսվել և հավանվել:
Ինչ է սա նշանակում մարքեթինգի տեսանկյունից
Հիշեք, որ ձեր ամենահետաքրքրական գրառումներն ավելի շատ ուշադրության կարժանան ձեր հետևորդների կողմից, հետևաբար ավելի շատ կցուցադրվեն: Այնպես որ տեղադրեք թիրախավորված, որակյալ բովանդակություն, շատ գրառումներ անելու փոխարեն: Ալգորիթմի ստեղծած սահմանափակումները հաղթահարելու լավագույն եղանակը որակյալ բովանդակություն ստեղծելն է, այսինքն որոշ բյուջե նախատեսելը դրա համար: Ունեցեք լավ ռազմավարություն և բյուջե նախատեսեք ճիշտ բովանակություն ստեղծելու համար, ինչը կբարելավի ձեր էջի տեղին լինելու ցուցանիշը (Relevance Score), որն էլ թույլ կտա պակասեցնել ձեր գովազդի ծախսերը:
Առասպել #5
Ի տարբերություն Ինստագրամի, Ֆեյսբուքի օգտատերերը հիմնականում հարթակ մուտք են գործում համակարգչով (desktop or laptop)
![social media marketing social media marketing](https://mct.am/wp-content/uploads/2020/01/apple-applications-apps-cell-phone-607812-scaled-600x400.jpg)
![shadow](https://mct.am/wp-content/themes/envision/includes/modules/module.shadow/shadows/shadow-3.png)
Փաստ
Այս տարվա՝ 2020-ի ապրիլի դրությամբ, Ֆեյսբուքի օգտատերերի 98.2 տոկոսը Ֆեյսբուքի բջջային հավելվածներ ունեն ներբեռնած իրենց բջջային սարքերում: Այսինքն, 90 տոկոսից ավելին մուտք են գործում հարթակ հենց բջջային հավելվածների միջոցով:
Ինչ է սա նշանակում մարքեթինգի տեսանկյունից
Մի ստեղծեք ձեր գրառումները մտքում ունենալով միայն համակարգիչը: Դրա փոխարեն, սկսեք մտածել բջջայինի տեսանկյունից: Ենթադրեք, որ ձեր հետևորդները ձեր գրառումն առաջին հերթին տեսնելու են բջջային սարքի վրա, և ձեր քայլերը կատարեք ըստ դրա: Ցանկանում եք տեսանյո՞ւթ տեղարդել: Ենթադրեք, որ նրանք դիտելու են առանց ձայնի: Փոքրիկ կտորների բաժանեք ձեր նյութը, որոնք հեշտ կհիշվեն և կստիպեն ձեր հետևորդներին ավելի ուշ հետ վերադառնալ ու շարունակել դիտել կամ կարդալ:
Առասպել #6
Լսարանն արագ մեծացնելու լավագույն ձևը լայքեր գնելն է
Փաստ
Ֆեյսբուքով մարքեթինգի հարցում հաջողելու համար ձեր հարկավոր է մեծացնել ձեր հետևորդների քանակը, ովքեր կարձագանքեն ձեր գրառումներին և կկիսվեն դրանք իրենց ընկերների հետ: Մարքեթինգի մասնագետները հաճախ սկսում են լայքեր գնել տարբեր կայքերից, որոնք առաջարկում են նման ծառայություններ: Սակայն, դրա խնդիրը կայանում է նրանում, որ այդ կայքերը հաճախ կեղծ հաշիվներ են ստեղծում, որոնք էլ հավանում են ձեր գրառումները: Իսկ դա նշանակում է, որ անհավանական է, որ նրանք ձեը հաճախորդները դառնան: Այլ կերպ ասած՝ նրանք իրական հաճախորդ չեն:
Ինչ է սա նշանակում մարքեթինգի տեսանկյունից
Մի հրապուրվեք լայքեր գնելով որևէ մեկից: Երբ Ֆեյսբուքը որոշում է ձեր գրառումը ցուցադրել օգտատերերին, ալգորիթմը հատկապես դիտարկում է ներգրավվածության, այսինք հետաքրքրվածության աստիճանը: Եթե ժամանակի հետ, լայքերի կամ դիտողություններ գրելու քանակը պակասի (իսկ դա այդպես էլ տեղի կունենա կեղծ հաշիվների դեպքում), ապա ձեր գրառումները կսկսեն ավելի քիչ կցուցադրվել և այն մարդիք, ովքեր իրականում ցանկանում են տեսնել ձեր գրածը, այլևս չեն տեսնի: Այսինքն, կենտրոնացրեք ձեր ջանքերը լավ բովանդակություն ստեղծելու վրա, որը կառանձնանա մյուսներից և չի թույլ տա, որ ձեր օգտատերերը անտարբեր սահեն-անցնեն ձեր գրածի վրայով: Բյուջե նախատեսեք ձեր բովանդակությունը ցուցադրելու համար նրանց, ովքեր իրականում ցանկանում են գործ ունենալ ձեզ հետ:
Դուք կարող եք ավելացնել “Like this page” կոճակը ձեր գովազդած նյութին, որպեսզի ունենաք իրական, այլ ոչ թե կեղծ հետևորդներ, ովքեր ավելի մեծ հավանականությամբ կդառնան ձեր հաճախորդը:
Առասպել #7
Ֆեյսբուքը լավագույն սոցցանցն է միայն B2C մարքեթինգի համար
![b2b marketing](https://mct.am/wp-content/uploads/2020/02/b2b-marketing.jpg)
![shadow](https://mct.am/wp-content/themes/envision/includes/modules/module.shadow/shadows/shadow-3.png)
Փաստ
Ֆեյսբուքի օգտատերերի 73%-ը ասում են, որ օգտագործում են հարթակը մասնագիտական տեսանկյունից: Ֆեյսբուքը աստիճանաբար դառնում է մարդկանց համար տեղեկություններ ստանալու վայրը, թե՛ մասնագիտական, թե՛ անձնական հարցերով:
Ինչ է սա նշանակում մարքեթինգի տեսանկյունից
Միայն այն, որ դուք B2B մարքեթինգով եք զբաղվում, չի նշանակում, որ Ֆեյսբուքը այն հարթակը չէ, որտեղից դուք հաճախորդներ եք ունենում և ձեր բրենդի մասին տեղեկացնել մարդկանց: Սակայն, դա նաև չի նշանակում, թե դուք ձեր Ֆեյսբուքի ռազմավարությունը պետք է կառուցեք LinkedIn-ի ռազմավարության նման: Կարևորը ձեր բովանդակությունը տեղին ու հետաքրքրական դարձնելն է ձեր օգտատերերի համար, այն հարթակում, որտեղ թիրախավորում եք նրանց: Ըստ հարթակի, ընտրեք ճիշտ օգտատերերի, ում կարող է հետաքրքրել ձեր նյութը: Մի ձանձրացրեք նրանց մարքեթինգի ձագարի ստորին հատվածին ավելի սազական տակտիկաներով: Դա փոխարեն, կենտրոնացեք ձեր մասին տեղեկացնելու տակտիկայի վրա, որն ավելի հարմար է Ֆեյսբուքին:
Առասպել #8
Մարդիկ Ֆեյսբուքում հեշթեգ՝ # չեն օգտագործում, դրանք ավելի հարմար են Թվիթերին կամ Ինստագրամին
![hashtags_Amazon](https://mct.am/wp-content/uploads/2019/04/hashtags_Amazon.jpg)
Փաստ
Ֆեյսբուքում նույնպես, օգտատերերը հեշտեթեր օգտագործում են, և դրանք որոնման օպտիմիզացիայի կարևոր մաս են կազմում ձեր գրառումներում: Հեշթեգերը օգնում են օգտատերերին կոնկրետ բաներ փնտրելիս, ձե՛ր գրառումները գտնել Ֆեյսբուքում: Դրանք օգտագործելիս, դուք նաև մասնակից եք դառնում սոցցանցում ծավալվող քննարկումներին և միտումներին: Դա չի նշանակում, որ դուք պետք է չափազանց շատ դրանք օգտագործեք: Իրականում, հետազոտությունները ցույց են տալիս, որ չափից դուրս շատ հեշթեգերը բերում են ավելի քիչ շփումների:
Ինչ է սա նշանակում մարքեթինգի տեսանկյունից
Հեշթեգեր օգտագործեք այն դեպքում, երբ դրանք տեղին են, չափը մի անցեք: Հեշթեգերը Ֆեյսբուքի հիմնական գծերից չեն, օրինակ այնպես, ինչպես Թվիթերում են: Այդ ասելով հանդերձ, դրանք գրառումները իրար հետ կապելու հայտնի եղանակ են, հատկապես, երբ խոսքը վերաբերում է միջոցառումներին՝ event-ներին: Այպես, որ օգտագործեք, բայց չափավոր:
Առասպել #9
Ֆեյսբուքը գերիշխող սոցցանցն է և գերադասելի է բոլոր տարիքային խմբերի կողմից
Փաստ
Չնայած, որ Ֆեյսբուքը ամենահայտնի ցանցն է բոլոր տարիքային խմբերի համար, ավելի մեծ տարիքային խմբերի կողմից այն ավելի գերադասելի է, քան երիտասարդների: 25-ից մեծ տարիքային խմբերի համար այն նախընտրելի հարթակն է, իսկ ավելի երիտասարդները (18-24 տարեկան) գերադասում են Ինստագրամը:
Ինչ է սա նշանակում մարքեթինգի տեսանկյունից
Ճանաչեք ձեր լսարանը և նրանց նախընտրությունները: Չնայած ավելի երիտասարդները ավելի քիչ են հավանում Ֆեյսբուքը, նրանք նույնպես կարող են հետևել այդ հարթակին: Ձեր բովանդակությունը հարմարեցրեք ձեր լսարանի ճաշակներին ու հետաքրքրություններին: