Ներկայացնում ենք սոցցանցերով մարքեթինգի թեմայով 3-րդ հոդվածը: Որպես բրենդ, ձեզ անհրաժեշտ է առաջին հերթին, կապ հաստատել ձեր հաճախորդների հետ, պահել նրանց ուշադրությունը և վերջիվերջո ձեռք բերել նրանց վստահությունը, հավատարմությունը և իհարկե համոզել նրանց գնումներ կատարել:

Օրինակ, ՙՙՄենք հենց նոր թողարկել ենք արևային ակնոցների մեր նոր շարքը. ծանոթացեք դրանց հետ՚՚ նախադասության փոխարեն կարող եք գրել ՙՙՓոխեք ձեր մոտեցումը՝ փորձարկեք մեր արևային ակնոցների նոր երանգները // Նոր բաներ փորձարկելու համար միշտ էլ #քաջությունէպահանջվում՚՚:

Կամ էլ ՙՙԿարդացեք վազելու վերաբերյալ մեր լավագույն 26 խորհուրդները՚՚ տեքստի փոխարեն, ՙՙ26 խորհուրդ, որոնք այս ամառ ձեզ թույլ կտան վազել ավելի արագ և ավելի երկար՚՚:

Եվս մեկը. ՙՙՄեր հետազոտություններն ու հաշվարկները ցույց են տալիս, որ մեր օդորակիչը իջեցնում է ձեր տան օդի ջերմաստիճանը մոտ 10 աստիճանով: Մի՞թե սա հրաշալի չէ՚՚ արտահայտությունը փոխարինեք ՙՙՄեր թվերը ցույց են տալիս, որ մեր օդորակիչը ձեր տունը դարձնում է ավելի հով, նույնիսկ ամենաշոգ օրերին՚՚:

Մարդկանց նկարները (ի տարբերություն անշունչ օբյեկտների նկարների), հատկապես այնպիսի նկարները, որոնցում մարդիկ ժպտում են ու նայում լսարանի աչքերին, ավելի շատ ուշադրություն են հրավիրում և կարող են օգնել ավելի շատ հնարավոր հաճախորդ գրավել:

Անգամ եթե ձեր առաջարկած պրոդուկտը շոշափելի չէ, օրինակ, տվյալների հետ կապված կամ ֆինանսական ծառայություններ են, միևնույն է լավ կլինի փորձեք գոնե նկարների մի մասում մարդկանց ցույց տալ՝ օրինակ, ձեզ, ձեր հաճախորդներին կամ էլ թեկուզ պատահական մարդկանց:

Այս թեմայի հետ կապված ևս մի բան. հետազոտությունները ցույց են տալիս, որ էմոջիները կամ էմոտիկոնները շատ գրավիչ են և օգնում են լրացուցիչ հետաքրքրություն և զբացմունքներ առաջացնել: Դրանք օգնում են, որ մարդիկ ավելի շատ քոմենթներ գրեն, ավելի շատ լայք տան կամ տարածեն ձեր գրառումը:

Ինստագրամը նույնիսկ պարզել է, որ բոլոր նկարների և քոմենթների մոտ 50 տոկոսում առնվազն մեկ էմոջի ներառված է լինում: Այդ պատճառով, արժե փորձարկումներ անել ու գտնել, թե ձեզ ինչպիսի օգուտ կբերեն դրանք:

Սոցցանցերի օգտատերերի մեծ մասը Ֆեյսբուք, Թվիթեր կամ Պինտերեստ նրա համար չեն մտնում, որ գովազդ դիտեն: Նրանք գնում են այնտեղ ընտանիքի անդամների ու ընկերների հետ հաղորդակցվելու և զվարճանալու համար:

Եթե մարդիկ հավանում կամ հետևում են որոշ բրենդերի էջերի, դա անում են ավելի շուտ պատահական ազդակներից դրդված (հիշեք, թե ինքներդ քանի անգամ եք հենց այնպես սեղմել ՙՙlike՚՚ կամ ՙՙfollow՚՚ կոճակը): Եվ մեծ մասամբ մարդկանց համար հոգ չէ, թե դուք ինչ եք գրառում: Իրականում, չեք էլ կարող ակնկալել, թե բոլորը ձեր գրած ամեն ինչը տեսնելու են, եթե իհարկե ահավոր շատ փող չեք ծախսում վճարովի գովազդի վրա:

Եվ հետևաբար, ձե՛ր խնդիրն է, որ համոզեք մարդկանց, որ ձեր բիզնեսը դառնա իրենց ամենօրյա կյանքի մասը, և որ իրենք թույլ տան, որ շարունակեք երևալ իրենց նորությունների ժապավենի վրա:

Սա դուք պետք է անեք կառուցելով վստահության ու հավատարմության մթնոլորտ, բարյացակամ լինելով, լավ բովանդակություն ստեղծելով, օգնելով մարդկանց, երբ խնդիրներ ունենան և այլն: Իսկ երբեմն էլ, շատ հազվադեպ, կարող եք ձեզ թույլ տալ գրել գովազդային տեքտեր, որոնց ձեր լսարանը շատ դեմ չի լինի, եթե մնացած ամեն ինչը լավը լինի:

Եզրափակելով ասվածը. երբ գործ ունեք սոցցանցերի հետ, փոխեք ձեր մտածելակերպը ՙՙինչ կարող ենք վաճառել ձեզ՚՚-ից դեպի ՙՙինչպես կարող ենք ձեզ օգտակար լինել՚-ուն՚: Քանի որ, երբ մարդիկ ընտրում են, թե ինչ բրենդի հետևեն, նրանք իրենք իրենց հարցնում են. ՙՙինչ է այս բրենդը ինձ առաջարկում, ինչ եմ ես ստանալու՚՚:

Այսպիսով, պարզ է դառնում, որ սոցցանցերում հաջողության հասնելու համար անհրաժեշտ է զերծ մնալ կլիշեներից, անկեղծ հաղորդակցություն հաստատել և գրավել մարդկանց ուշադրությունը հետաքրքիր պատմություններով:

Մարդիկ, հատկապես երիտասարդները, չեն արձագանքում ՙՙմարքեթինգային՚՚ ոճին և արհարմարհում են գովազդային տեքստերը: Փոխանակ համոզելու փորձեր անելը, ավելի լավ է ցուցադրեք ձեր իսկական արժեքները և ձեր անձնական հատկանիշները, որոնք կարող են գրավիչ լինել ձեր լսարանի համար:

Քանի որ մրցակցությունը շատ է, իսկ օրգանական (ոչ վճարովի) հասանելիությունը շատ ցածր, չափազանց կարևոր է, որ ձեր բովանդակությունը ազդեցություն ունենա մարդկանց վրա անձնական և էմոցիոնալ մակարդակների վրա: Ամենաազդեցիկ էմոցիոնալ ազդակներն են. հումորը, զարմանքը, բարկությունը, անգամ ինքնահավանությունը (այնպիսի բաները, որոնք թույլ են տալիս, որ մարդը ընկերների հետ կիսվելով, ավելի լավն երևա իր ընկերներում աչքում):

Հենց որ սկսեք թափ հավաքել, մի շատ օգտակար վարժություն արեք. կանգ առեք, աչքի անցկացրեք ձեր վեջին 10 գրառումները և հարցրեք ինքներդ ձեզ. ՙՙի՞նչ արժեք եմ տրամադրում ես իմ լսարանին և ի՞նչ նպատակի եմ ծառայում՚՚: Եթե ձեզ չի հաջողվում հստակ պատասխան տալ այս հարցերին, ապա դուք պետք է վերանայեք ձեր ռազմավարությունը, որպեսզի ավելի լավ կարողանաք հասնել ձեր ուզած լսարանին, որը հիմա, առավել քան երբևէ, հասուն է և խելացի:

Ճիշտ ինչպես իրական կյանքում, սոցցանցերի հետևորդները իրենց ավելի համահունչ են համարում այն բրենդերը, որոնք կարողանում են սեր և վստահություն ներշնչել իրենց, քան նրանք, որոնք փորձում են ստիպել իրենց գնում կատարել: Ինչպես արդեն նշել էինք, ձեր բրենդը պետք է դառնա մի բան, որին սպասում են, այլ ոչ թե խոչընդոտ, որից իրենք կփորձեն ազատվել:

Այս ամբողջ լավ աշխատանքը իր դրական գործը կանի, և ձեր մասին լավ կարծիք կստեղծվի, ինչն էլ դանդաղորեն, բայց հաստատուն կերպով կվերածվի վաճառքների:

Կարդացեք նաև այս թեմայով առաջին և երկրորդ հոդվածները: