Եթե դուք բիզնեսի սեփականատեր եք, ապա անկասկած մտածում եք մարքեթինգի և գովազդի մասին: Ինչպե՞ս եք դա անում:

Ամենատարածված ձևը. նայում եք ձեր հաջողակ մրցակիցների՝ ավելի մեծ բիզնեսների մարքեթինգային քայլերին և ընդօրինակում եք դրանք:

Տրամաբանակա՞ն է. վերջիվերջո նրանք այդ մեթոդներով հաջողության են հասել: Իրականում սա բիզնեսը սպանելու ամենահեշտ ու ամենահաճախ կիրառվող ձևերից մեկն է: Հենց սա էլ հանդիսանում է փոքր բիզնեսների մեծ մասի ձախողման պատճառը: Հետևյալ երկու պատճառներով.

Պատճառ 1-ին. մեծ ընկերությունները այլ օրակարգ ունեն

Մեծ բիզնեսների ռազմավարությունները և առաջնայնությունները էապես տարբերվում են փոքր բիզնեսներից: Օրինակ, նրանց մարքետինային առաջնայնությունները կարող են լինել այսպիսին.

– Հաճոյանալ տնօրենների խորհրդին
– Գոհացնել փայատերերին
– Փարատել վերադասների կասկածները
– Բավարարել արդեն ունեցած հաճախորդներին
– Շահել գովազդային մրցանակներ
– Ստանալ բազում հանձնաժողովների համաձայնությունները
– Շահույթ ստանալ:

Փոքր բիզնեսի մարքետինգային առաջնայնություն կարող է լինել միայն այս մեկը.

– ՇԱՀՈՒՅԹ ՍՏԱՆԱԼ:

Ինչպես տեսնում եք, մի ամբողջ տիեզերք տարբերություն կա փոքր ու մեծ բիզնեսների մարքեթինգի նպատակների միջև: Եվ բնական է, որ մի ամբողջ տիեզերք տարբերություն լինի նաև դրանց ռազմավարությունների և իրականացման միջև:

Ստրատեգիան փոխվում է մասշտաբների հետ միասին: Նույն ստրատեգիան օգտագործելը չի աշխատի փոքր մասշտաբների դեպքում:

Ինչպես ասենք տարբեր է լինում բարձահարկ շենք կառուցող ինվեստորի ստրատեգիան մեկհարկանի առանձնատուն կառուցողի ստրատեգիայից: Չեք կարող բարձրահարկի առաջին հարկը կառուցել ու դրա վրա կանգ առնել ու ասել, թե տունը կառուցեցիք: Դա կլինի ոչ թե տուն, այլ կիսակառույց – բոլոր 20 հարկերը պետք է կառուցվեն:

Պատճառ 2-րդ. մեծ ընկերությունները ՇԱՏ տարբեր բյուջե ունեն

Եթե ընկերության գովազդային բյուջեն 100 միլիոն դրամ է և նա երեք տարի ունի տվյալ ապրանքի համար շահութաբերության հասնելու համար, նա օգտագործում է այլ ստրատեգիա, քան այն ընկերությունը, որն ունի 300 հազար դրամ գովազդի համար և պետք է անմիջապես շահույթ ստանա:

Եթե երկրորդ ընկերությունը օգտագործի մեծի մարքեթինգային ստրատեգիան, ապա իր 300 հազարը մի կաթիլ կլինի օվկիանոսում: Այն անբողջովին կվատնվի և արդյունք չի բերի, քանի որ իր ստրատեգիան չի համապատասխանում այն մասշտաբին, որով ինքը գործում է:

Մեծ ընկերությունների մարքեթինգը հայտնի է մասսայական մարքեթինգ կամ բրենդինգ անվամբ:

Այսպիսի մարքեթինգի նպատակը ներկա և պոտենցյալ հաճախորդներին շարունակաբար ու հաճախ հիշեցնելն է ձեր բրենդի մասին, ինչպես նաև ձեր ապրանքների ու ծառայությունների մասին:

Գաղափարն այն է, որ որքան հաճախ ցույց տաք ձեր գովազդը, այնքան ավելի հավանական է, որ մարդիկ ձեր բրենդը կունենան իրենց գիտակցության մեջ, երբ գնում կատարելու որոշում ընդունելիս լինեն:

Մեծ ընկերությունների մարքեթինգը հիմնականում ընկնում է այս դասի մեջ: Եթե տեսել եք Coca Cola, Nike կամ Apple ընկերությունների գովազդները, ապա գիտեք, թե ինչ է մասսայական մարքեթինգը:

Այսպիսի մարքեթինգը տպավորիչ է, սակայն շատ թանկ է և շատ ժամանակ է պահանջում: Այն պահանջում է լցնել տարբեր տեսակի գովազդային լրատվամիջոցներ, օրինակ՝ ինտերնետային տարբեր հարթակներ, տպագիր միջոցներ, ռադիո և նույնիսկ հեռուստատեսություն, և անել դա շատ հետևողականորեն և երկար ժամանակահատվածի ընթացքում:

Մեծ բրենդերի համար ծախսերն ու ժամանակը պրոբլեմ չեն, քանի որ նրանք ունեն հսկայական գովազդային բյուջե, մարքեթինգի մասնագետների թիմեր և ապրանքագծեր, որոնց մարքեթինգը մի քանի տարի առաջ է պլանավորվում:

Սակայն, երբ փոքր բիզնեսներն են փորձում ընդօրինակել մեծ բրենդերի մարքեթինգը, մեծ խնդիր է առաջանում:

Այն մի քանի անգամը, որ նրանք ցուցադրում են իրենց գովազդը, նման են օվկիանոսում ջրի կաթիլի: Այդ մի քանի անգամը բավական չէ, որ նրանք մնան թիրախային շուկայի գիտակցության մեջ, որոնք ամեն օր հետևողականորեն գնդակոծվում են հազարավոր այլ ընկերությունների մարքեթինգային ուղերձներով:

Այսպիսով փոքր բիզնեսների ուղերձները խեղդվում են, այդպես էլ եկամուտ չբերելով: Եվս մեկը դառնում է գովազդի զոհ:

Հարցը նրանում չէ, որ փոքր բիզնեսները բրենդինգում կամ մասսայական մարքեթինգում լավ չեն կարող լինել: Նրանք ուղղակի չունեն այն բյուջեն, որ իրենց գովազդը բավարար քանակով պտտեցնեն, որպեսզի այն արդյունավետ լինի:

Այս կարգի մարքեթինգը կձախողվի, եթե դուք բյուջեում միլիոնավոր դոլարներ չունեք:

Եվ հետևաբար, մասսայական մարքեթինգը մեծ ընկերությունների տիրույթն է:

Այլ հաջողակ բիզնեսների անցած ճանապարհը կրկնելը խելացի քայլ է, բայց կարևոր է, որ դուք լիովին հասկանաք ձեր բռնած ստրատեգիան և որ ի վիճակի լինեք այն կրկնել: Եթե դուք հետևում եք այնպիսի ստրատեգիայի, որը ունի շատ տարբեր բյուջե և այլ առաջնայնություններ քան ձերն է, ապա ձախողելու շանսերը շատ մեծ են:

Իսկ հիմա նայենք հաջողակ փոքր ու միջին բիզնեսի մարքեթինգին:

Ուղղակի արձագանքման հնարավորություն տվող մարքեթինգը (direct response marketing) դա մարքեթինգի այնպիսի տեսակ է, որը ավելի փոքր բիզնեսներին տալիս է փոքր բյուջեով արագ արդյունքների հասնելու և մրցունակ լինելու հնարավորություն: Այն կառուցված է այնպես, որ ծախսվող գումարի դիմաց ստացվող եկամուտը հստակ չափելի լինի:

Սա մարքեթինգի ամենալավ տեսակներից է, նաև ամենաէթիկականներից է: Այն առաջարկում է լուծումներ ու տեղեկատվություն հաճախորդի կոնկրետ պրոբլեմների համար

Փոքր բիզնեսների համար սա ամենահարմարն է ծախսերի առումով, որը իրատեսորեն թույլ է տալիս հասնել պոտենցիալ հաճախորդի գիտակցությանը: Իսկ ինչ է դա իրենից ներկայացնում, ո՞րն է այս տիպի մարքեթինգը:

Ուղղակի արձագանքման մարքեթինգը դա մարքեթինգի տեսակ է, որը սպառողից կամ պոտենցիալ հաճախորդից ստանում է արձագանք (մեյլի հասցե, զանգ, պատվեր, վեբկայք այցելություն), և դրա հիման վրա ստանում է կոնկրետ, չափված պատասխան իր մարքեթինգին:

Երբ դուք ձեր գովազդները դարձնում եք ուղղակի արձագանքման գովազդներ, դրանք դառնում են պոտենցիալ հաճախորդ հավաքագրելու միջոցներ, այլ ոչ թե միայն ձեր անունը հայտնի դարձնելու միջոցներ:

Ուղղակի արձագանքման մարքեթինգը մեծ թեմա է:

Թե ինչպես կարել է այն օգտագործել առանց մեծ ծախսեր անելու կամ էլ առանց մարքեթինգի մասնագետ դառանալու անհրաժեշտության, ներկայացնում ենք մեր դասընթացներին, որոնց հղումները կարող եք գտնել ներքևում:

Մեր դասընթացիներին մենք ներկայացնում ենք, թե ինչպես են ստեղծվում այսպիսի մարքեթինգի հիմնական էլեմենտները, ինչպես ստեղծել պրակտիկ և հեշտ օգտագործվող մարքեթինգ պլան և թե ինչպես ճիշտ օգտագործել թվային մարքեթինգի ժամանակակից գործիքները, որպեսզի հաճախորդների հոսք բերենք մեր բիզնես: