Մեր նախորդ հոդվածում ներկայացրել էինք ֆեյսբուքյան գովազդների մի քանի լավ օրինակ, որոնց գաղափարները դուք կարող եք օգտագործել ձեր արշավները հաջող կազմակերպելու համար:

Այս հոդվածում շարունակում ենք թեման, ներկայացնելով ևս մի քանի գովազդ, այս անգամ այլ տեսակի՝ կարուսել և սլայդ շոու:

Ի՞նչն է լավ այս գովազդում

– Կարուսել ֆորմատը ցույց է տալիս մեկ մեծ նկարի կտորները՝ բաժանած մի քանի մասերի:

– Թե՛ տեքստը, թե լուսանկարները իրական օգտատերերի կողմից են ստեղծված՝ user –generated content (UGC), ինչն ավելի արժանահավատ է դարձնում գովազդը: Գովազդի հեղինակները պարզել են, որ օգտատերերի կողմից ստեղծված բովանդակությունը երկու անգամ ավելի շատ վաճառքներ է բերել, քան սովորական գովազդները:

– Նկարները հստակորեն ցույց են տալիս Միլենիալների/ Z-սերնդի ներկայացնուցիչների դեմոգրաֆիան, և գինն էլ ըստ դրա է: Այս երկու գործոնները թույլ են տալիս հնարավոր ճանապարհորդներին տեսնել, թե արդյո՞ք սա իրենց հարմար է: Այսինքն, եթե այս առաջարկը իրենց դուր է գալիս, մնում է միայն սեղմել հղումի վրա: Սա թույլ է տալիս նվազեցնել մեկ հաճախորդ ձեռք բերելու ծախսը:

Ի՞նչն է լավ այս գովազդում

– Գովազդի սլայդերի լուսանկարները ցույց են տալիս տարբեր հաճախորդների, որոնք կրում են բրենդի գլխակապերը վազքի կամ մարզվելու ժամանակ, ինչը նմանատիպ հնարավոր հաճախորդներին դրդում է գնման գործողության:

– Գովազդի տեքստը օգտագործում է էմոջիներ և լավ տոն, ինչը հաճելի է հնարավոր հաճախորդներին:

– Տեքստում բերված առաջարկը հստակ է և ցույց է տալիս տեսականին:

– Տեքստը նաև խոսում է ապրանքի հետ տրամադրվող երաշխիքների մասին: Սա առաջացնում է վստահություն նոր հաճախորդների մոտ, ովքեր դեռ ծանոթ չեն բրենդին: